Адам Глобус & снукер
Вельмі люблю глядзець більярд. Але не наш, рускі ці яшчэ які, а іншы - снукер. Гульня заварожвае.
Дарэчы, заўсёды перажываю за таго, хто прайграе. У лідэра адразу ж знаходжу нейкія непрыемныя рысы на твары: то позірк, то ўсмешка, то нос...
А пасля снукера чытаў "Play.by" Адама Глобуса.
І раптам адчуў, якія блізкія гэтыя дзве рэчы - проза Глобуса і амерыканскі снукер.
Глобус, як і высокапрафесійны снукерыст, гуляе.
У чым асаблівасць такой більярднай гульні як снукер? Там дзве, не, нават тры асаблівасці.
Першая: далёка не кожны удар скіраваны на тое, каб шар патрапіў у лузу. Другая: іншы раз шар б’ецца такім чынам, каб праціўнік пасля аказваўся ў сітуацыі, калі біць проста няма куды і няма як. І трэцяя: кожны выніковы ўдар – гэта не проста забіты ў лузу шар, а яшчэ аснова для трох і болей наступных за кошт дакладнага разліку траекторыі адскоку, сілы ўдару, закручвання шара.
Адам Глобус у кнізе «Play.by» гуляе менавіта так…
Раздзел: Водгукі мае пра чужое |
|
|
